Бурабай аудандық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, Бурабай ауданы Зеленобор ауылдық округі әкімінің сайлау нәтижелері туралы учаскелік сайлау комиссияларының хаттамалары негізінде сайлау қорытындыларын белгіледі:
Зеленобор ауылдық округі әкімінің сайлауы бойынша
сайлау округі:
Сайлау округі бойынша сайлаушылар тізіміне 3310 азамат енгізілді, олардың 2034-і дауыс берді. Жарамсыз бюллетеньдер саны — 144, «Барлығына қарсы» жолында белгісі бар — 271.
Әр кандидат үшін берілген дауыстар саны:
М.А. Баженов — 1283; Д.Е. Құлан — 196; Е.Б. Накенов — 140.
Зеленобор ауылдық округінің әкімі болып 1968 жылы туған Мәди Ақанұлы Баженов сайланды, Зеленобор ауылдық округінің Наурызбай батыр ауылында тұрады, өзін-өзі ұсыну жолымен ұсынылған.
Бурабай аудандық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық заңының 45-бабына сәйкес 2023 жылғы 5 маусымдағы шешімімен 2023 жылғы 4 маусымда сайланған Мәди Ақанұлы Баженовті, Бурабай ауданының Зеленобор ауылдық округінің әкімі етіп тіркеді.
Бурабай аудандық сайлау комиссиясы
Redaktor