Өңірді дамыту бойынша жаңа міндеттер қойылды
Ақмола облысында инвестиция тапшылығын барынша азайту қажет. Олардың көлемін ұлғайту үшін әр кезеңде инвесторлармен бірге жүретін «AQMOLA INVEST» инвестицияларды дамыту орталығы құрылды. Инвесторлар үшін қолайлы жағдайлары бар индустриялық аймақтарды құру бойынша жұмыс жүргізілуде.
Өңір басшысы Марат Ахметжанов Ақмола облысының 2023 жылғы әлеуметтік-экономикалық даму және бюджеттің атқарылуы қорытындысы бойынша әкімдік отырысын өткізді.
«Ел президенті берік өнеркәсіптік қаңқаны құру үшін өңдеу секторын шоғырландырылған дамытудың маңыздылығын атап көрсетеді. Ол үшін өнеркәсіптік кәсіпорындардың жүктемесіне талдау жүргізіп, оларды ұлғайту бойынша шаралар әзірлеу керек», – деді облыс әкімі.
Марат Ахметжанов басты міндеттердің бірі үш жыл ішінде қайта өңделген ауыл шаруашылығы өнімдерінің үлесін арттыру болып табылатынын атап өтті. Ол үшін сүт зауыттары, ет комбинаттары және май зауыттары сияқты өндірістік қуаттардың максималды жүктемесін қамтамасыз ету қажет.
Сондай-ақ, облыс әкімі Ақмола облысына туризмнің тартымдылығын дамыту және туристік бағытты дамытудың 5 жылға арналған стратегиясын әзірлеу қажеттігіне назар аударды.
«Құрылыс жобаларын уақытында аяқтау өңірдің әлеуметтік дамуына оң әсер етеді. Біз басталған нысандарды аяқтауға шаралар қабылдауға, бюджеттік өтінімдерге ревизия жүргізуге және жобалардың іске асырылуын бақылауға жұртшылықты тартуға тиіспіз», – деп атап өтті өңір басшысы.
Марат Ахметжанов жылыту маусымына дайындыққа жеткіліксіз көңіл бөлінгенін, бұл қалалар мен аудандардағы проблемаларға әкеп соқтырғанын атап өтті.
«Біз инженерлік инфрақұрылымның жағдайын жақсартып, жұмыс сапасына көбірек көңіл бөлуіміз керек. Дұрыс емес бюджеттік жоспарлау қосымша шығындар мен ұзақ құрылыстардың пайда болу ықтималдығына әкеледі», – деп атап өтті М.Ахметжанов.
Жергілікті атқарушы органдардың тиімділігін арттыру мақсатында әкімдердің рейтингі енгізілетін болады. Әкімдер ведомстволық бағыныстылығына қарамастан, өз аумағында болып жатқан барлық жағдайлар үшін толық жауапты болады.
«Жұмысты «таза парақтан» бастаймыз және тапсырмалардың орындалуын қолмен және цифрлық режимде бақылаймыз», – деп түйіндеді әкім.
Облыс әкімінің баспасөз қызметі