Медицина қызметкері күнімен құттықтауы
Құрметті денсаулық сақтау қызметкерлері мен ардагерлері!
Сіздерді кәсіби мерекелеріңіз — Медицина қызметкері күнімен құттықтаймын!
Қашанда қоғам үшін, халықтың денсаулығы үшін күні-түні аянбай еңбек ететін дәрігерлердің қызметі жауапты. Дәрігерлердің біліктілігі мен тәжірибесінің, адамгершілігі, жанқиярлығымен медицина мамандығы қоғамдағы ең құрметті мамандардың біріне айналды.
Адамдарға қызмет ету арқылы, көмекке келуге ұдайы дайын болу — нағыз медицина қызметкерінің орасан күш-жігері, білімді және сезімталдықты талап ететін жауапкершілігі мол мамандық.
Атаулы мереке күні еңбексүйгіштік, жан жылылығы мен мейірімділігі үшін шынайы ризашылығымды білдіруге рұқсат етіңіз.
Сіздерге, туған-туыстарыңызға зор денсаулық, бақыт, бақ-береке, бейбітшілік пен игілік тілеймін!
Арай Садыков,
Бурабай ауданының әкімі
Redaktor