Білім көшін алға жылжытып келе жатқан сіздерді кәсіби мерекелеріңіз — Ұстаздар күнімен шын жүректен құттықтаймын!
Ұстаз — ұлағатты есім. Шәкірттерін білім нәрімен сусындатып, тәлім-тәрбие, адамгершілік рухта бағыт-бағдар беруде ұстаздың еңбегі ұшан-теңіз. Сондықтан ол әрдайым қадірлі тұлға ретінде ерекшеленеді.
«Ұстаздық еткен жалықпас үйретуден балаға» — демекші, ұстаздық — мәртебелі мамандық. Себебі ұстаз болашақ азаматтарды ғана емес, бүкіл болашақ қоғамды қалыптастыратын ардақты тұлға.
Қадірлі ұлағатты ұстаздар!
Тәуелсіз қазақ елінің дамуына қосып келе жатқан еңбектеріңіз үшін баршаңызға шексіз алғысымды білдіремін!
Еліміздің атын әлемге танытатын білімді де, талантты шәкірттеріңіз көбейе берсін!
Сіздерге зор денсаулық, ұзақ өмір, қиын да қастерлі ұстаздық қызметте табыс тілеймін!
М.Нұрпанова, Бурабай аудандық мәслихат төрағасы