Желтоқсан айының соңғы күндері «Балдәурен» оқу-сауықтыру орталығында жайлы да әсем безендірілген залда балалар мен мүгедектігі бар адамдарға арналған Бурабай ауданы әкімінің дәстүрлі жаңа жылдық шырша мерекесі өтті. Оған аудан әкімінің орынбасары Ж.М. Төлегенов қатысып, құттықтау сөз сөйлеп, аудан әкімінің атынан сыйлықтар табыс етті. Іс – шараның демеушісі, «Самға» қоғамдық бірлестігінің төрағасы С.М. Көшербаев мүгедек балаларға арналған тәтті дастархан жайып, келе жатқан Жаңа жылмен құттықтап балаларға Жаңа жылда амандық-саулық, көтеріңкі көңіл, табыс тіледі.
Балалар өздерінің сүйікті мультфильмдерінің кейіпкерлерімен жүздесіп, қызықты ойындарды және қызықты музыкалық нөмірлерді тамашалады. Келе жатқан Жаңа жылмен шын жүректен құттықтаймыз. Отбасыларыңыз бақыт, игілік пен береке-бірлік, денсаулық тілейміз!
Балаларды осы мерекеге жеткізгені үшін, осындай мейрам сыйлағаны үшін, демеушілік және қолдау көрсеткені үшін «Балдәурен» РОСО ұжымына (басшы С.Т.Алибаев), «Пассажирские перевозки» ЗТА-на (басшы М.Н.Ахметов), «Самға» ҚБ (төрағасы С.М.Көшербаев), «Инватакси» қызметіне (басшы ҚТ Байбуровқа) алғысымызды білдіреміз.
Бурабай ауданы жұмыспен қамту, әлеуметтік бағдарламалар және азаматтық хал актілерін тіркеу бөлімінің балаларға үйде әлеуметтік көмек көрсету бөлімшесі