Қазақстандық жүгіру әуесқойлары 24 ақпанда «Бурабай» ұлттық саябағына жиналып, Жұмбақтас аралын қоршаған Бурабай көлінің жалпақ мұзы арқылы бірегей экстремалды жарысқа қатысады. BURABAY ICE 2024 жарысы нағыз trail running және экстремалды жүгіру жанкүйерлерінің басын қосады.
Қазақстандағы спорттық-бұқаралық іс-шаралардың ірі ұйымдастырушыларының бірі «Экстремалды Атлетика» қоғамдық бірлестігі Қазақстанның солтүстік інжу-маржанының қатал қысына, суық желіне және кристалды мұзына қарсы нағыз сынақ дайындады. Жарыс қашықтықтарының кез келгенін таңдауға болады: 7 км,14 км және 21,1 км жүгіру немесе 7 км скандинавиялық серуендеу.
Бүгінгі таңда жарысқа 600-ден астам спортшы тіркелді, олардың арасында АҚШ, Беларусь, Испания, Үндістан, Канада, Қырғызстан, Моңғолия, Оңтүстік Африка, Өзбекстан, Ресей, Украина, Чехия, спортшылары, сондай-ақ ҚР барлық облыстарынан спортшылар бар.
Медаль мәреге жеткен барлық жүгірушілерге беріледі.
«Жарысқа кез келген жастағы спортшылар қатыса алады. Іс-шараның негізгі мақсаты — салауатты өмір салтын насихаттау, ұлттық саябақтың туристік дестинациясын дамыту, «Leave no Trace» экологиялық концепциясына назар аударту. Бұл Қазақстандағы көл мұзы бойынша алғашқы және бірегей экстремалды жарыс, ол алыс және жақын шет елдерден келетін көптеген спортшыларды жинайды. Жарыс директоры Павел Тенцердің айтуы бойынша “Бұл жарыс өңір бойынша жүгіру сериясындағы үш жарыстың бірі болып табылады және сол үшеуі бойынша жүгіргендерге жеке жүлде санаты болады», — деді Іс-шараның демеушілері мен серіктестерінің қатарында Ақмола облысының әкімдігінің дене шынықтыру және спорт басқармасы, KAZ Minerals компаниясы, «Бурабай» ұлттық паркі, ауыз су өндірушісі Turan, Алматы, Астана, Қарағанды, Павлодар, Тараз, Орал, Шымкент қалаларының жүгіру клубтары. Басталу алаңының орнын жүгіру серіктесі — Wyndham Garden Burabay ұсынады. Іс-шараның ақпараттық серіктесі — Visit Aqmola. Жарысқа төмендегі сілтеме бойынша тіркелуге болады https://athletex.kz/competitions/burabice24
Redaktor