Бурабай орталықтандырылған кітапханалар жүйесі тарихында алғаш рет Бурабай кентінің үлгілі кітапханасында Бурабай ауданының 95 жылдығы аясында «Кітапхана шақырады» атты кітапхана түні ұйымдастырылды.
«Кітапхана шақырады» кітапхана түнінің мақсаты Бурабай ауданының 95 жылдығын атап өту, кітапхана иммиджін көтеру, кітапхана жұмысын жарнамалау, кітапханаға келушілердің санын арттыру болып табылады.
Кітапхана түні іс-шарасына Бурабай кентінің тұрғындары, кітапхана оқырмандары, мектеп оқушалары қатысты.
«Кітапхана шақырады» кітапхана түнінің салтанатты ашылуында Бурабай ауданының мәдениет, тілдерді дамыту, дене шынықтыру және спорт бөлімінің басшысы Д. Қарсыбаева құттықтау сөз сөйлеп, құттықтады. Кітапхананың белсенді оқырмандары Алғыс хаттармен марапатталды. Кітапхананың белсенді оқырмандары Бурабай туралы өлеңдерін оқып, алғыстарын білдірді.
Бағдарламада әр залда әртүрлі форматта іс-шаралар өтті, атап айтар болсақ, оқу залында «Бурабайды жырлайық!» ашық микрофон ұймдастырылып оқырмандар Бурабайға, туған жеріне арналған өлеңдер оқыды. Бурабай ауданының 95 жылдығына арналған «Оқжетпес» пен «Жұмбақтас» кітап инсталяциялары ұйымдастырылды.
«Бурабай — хан ордасы, жер төресі, жыр еркесі» әдемі безендірілген фотоаймақ залында «Оқитын адам» кітап инсталяциялары, қойылып, келушілер естелікке фото суретке түсті.
«Тарих қиылыстары» библио — Тravel абонемент бөлімінде оқушылармен Бурабайдың киелі жерлеріне, трихына арналған квест ойындар өткізілді.
Коворкинг орталығында ақын Мағжан Жұмабаевтың шығармаларына арналған кітап көрмесі, «Мен жастарға сенемін!» поэтикалық battle «Айтарым бар…» клубының жастарымен ұйымдастырылды. Жастар әдеби сайыстарға белсене қатысты.
Балалар әдебиеті бөлімінде «Әжемнің ертегілері» дауыстап оқу, жұмбақтар шешу, «Кім тапқыр?» интеллектуалдық time, викториналар, балаларға көңілді ойындар өткізілді.
Парасат жолы орталығында «Дәмді кітаптар» библиокафесі көпшілік оқырмандарға әртүрлі жанрдағы кітаптар арқылы дәмдер ұсынды. Классикалық романдар мен шытырман оқиғалар, фантастикалық, лирикалық поэзия, ертегілер мен журналдар ұсынылды. Библиовикторина өткізілді.
Мәдени-демалыс орталығында «Бурабай шеберлер көзімен» шығармашылық алаңда жерлес суретшілер мен қолөнер шеберлерінің шығармаларынан көрме безендіріліп, шеберлік сағаттары ұйымдастырылды.
Кітапханашылар әдеби кейіпкерлердің костюмдерін киіп, өз образдарын шебер көрсетті. Кітап ханшайымы — Б.Қасымова, жұлдызшы — Г.Шарафутдинова, Пеппи — З.Таева жазушы Астрид Линдгрен «Пеппи длинный чулок» шығармасы, Мерри Поппинс — Г.Сабитова, балалар жазушы П.Трэверстің шығармасының кейіпкері. Аю мен қоянның костюмін киген — Ж.Қуанышбекова, С.Оспанова көпшілік оқырмандарға мерекелік көңіл-күй сыйлады. Оқжетпес мәдениет үйінің өнерпаздары меркелік бағдарлама ұсынды.
«Кітапхана шақырады» кітапхана түнінде оқырмандар кітапхана әлеміне саяхат жасап, қызықты ойындар мен көрмелерді, фотоаймақты тамашалап демалды, сан түрлі ақпараттар алды.
Ерекше форматта өткен бұл іс-шара өз жалғасын табатын болады.
А. Қабиденқызы,
орталықтандырылған кітапханалар жүйесінің
әдістемелік-библиографиялық бөлім библиографы