Қаламыздағы іргелі оқу ордасының бірі, тарихы тереңде жатқан №9 мектеп-гимназиясының ұстазы Балдықыз Сапарбекова отыз жеті жылдан бері, ұстаздық етіп, білім саласында қызмет атқарып келе жатыр. Талай-талай шәкіртті тәрбиелеп, қанаттандырып, алтын ұясынан ұшырған Балдықыз Мұсақұлқызы тәжірибелі ұстаз қазақ тілі мен әдебиеті пәндерінен, тәрбиелеген шәкірттері аудандық, облыстық, республикалық сайыстарға қатысып, жүлделі оралып жүр. Алматыдағы ҚазПи-дің түлегі еңбек жолын 1985 жылы Шымкент қаласындағы дарынды балаларға арналған лицейден бастаған, Ақтөбе қаласында ағартушы болып еңбек еткен. 2007 жылдан бастап Щучинск қаласындағы №9 мектеп-гимназиясында дәріс беріп келеді. Еліміз бойынша мыңдаған шәкіртті тәрбиелеген ардақты ұстазды елі қадірлейді, шәкірттері құрметтейді. Еңбегіңіздің жемісін теріп, әрдайым еліміздің ертеңгі болашағын тәрбиелеп, жұлдызыңыз қашанда жана берсін дейміз. Мерекеңіз құтты болсын, қадірлі Балдықыз Мұсақұлқызы!
ㅤㅤㅤㅤㅤㅤ«Аудандық «Бурабай» газетінің редакциясы» ЖШС ㅤㅤㅤㅤㅤㅤㅤ ТОО "Редакция районной газеты " Бурабай"